INFORMANDO ENFERMERÍA: QUE É O VIH

xoves, 24 de novembro de 2022

QUE É O VIH

VIH e SIDA é o mesmo? Cales son os síntomas do VIH? Transmitese polo aire?

QUE É O VIH? CALES SON OS SEUS SÍNTOMAS? COMO SE TRANSMITE?

O virus de inmunodeficiencia humana tamén coñecido como VIH é o causante da síndrome de inmunodeficiencia adquirida (SIDA), unha afección crónica que pon en risco a vida xa que dana o sistema inmune e impide que este poida loitar contra enfermidades e infeccións.

O VIH é unha infección de transmisión sexual, aínda que tamén pode transmitirse por contacto con sangue ou ao compartir determinados obxectos como as xiringas. É posible que pasen anos ata que o virus debilite o sistema inmune e poida avanzar ata converterse en SIDA.

A forma na que se pode transmitir este virus pode ser diferente en cada caso. Hoxe en día sábese que o VIH pode transmitirse a través dos seguintes mecanismos:

- Trasmisión vertical a través de nai e fillo. Isto pode darse en dous momentos diferentes, sendo unha transmisión materno fetal se o virus transmítese da gestante infectada ao feto ou sendo unha transmisión perinatal cando o contaxio transmítese durante o parto ou a lactación.

- Por transmisión sexual. Isto dáse ao manter relacións sexuais sen métodos de protección de barreira cunha persoa infectada polo VIH

- Por inoculación de sangue infectado. Cando se comparten xiringas ou durante unha picada accidental cunha agulla procedente dun paciente infectado.

- Por transfusión de sangue contaminado por VIH. Esta vía xa apenas ten importancia.

O máis habitual, é que os primeiros signos e síntomas aparezan semanas despois á exposición ao virus. Algúns dos síntomas iniciais son a febre, a dor de cabeza, a fatiga, a dor de articulacións e músculos… A medida que avanza a enfermidade os síntomas van cambiando, podendo chegar a producir perdida excesiva de peso, unha pneumonía, erupcións cutáneas e vultos.